Pavlodar oblysynda «Dıplommen aýylǵa» barǵandar páterli boldy

PAVLODAR. QazAqparat - «Dıplommen aýylǵa» baǵdarlamasynyń qatysýshylary Aqtoǵaı aýdanynda salynǵan jaldamaly turǵyn úıden jańa páterdiń kiltterin aldy, dep habarlaıdy pavlodarnews.kz.

Jańa qonystanýshylar jalpy tájirıbelik dáriger Aıaýlym Musaqanova jáne muǵalim Janar Seıilhanova.

25 jastaǵy Semeı medıtsına ýnıversıtetiniń bitirýshisi Aıaýlym Musaqanova kúıeýi jáne kishkentaı balasymen «Dıplommen aýylǵa» baǵdarlamasy boıynsha Pavlodar oblysyna kóship kelip, ortalyq aýdandyq aýrýhanaǵa jumysqa turýǵa sheshim qabyldaıdy.

«Dıplommen aýylǵa» baǵdarlamasy boıynsha qujattarymdy ótkizdim, maǵan Aqtoǵaıdan jumys orny men turǵyn úı usyndy. Osy aýdanda otbasymyzben úsh aıdan beri turyp jatyrmyz, endi jaǵa tórt bólmeli páterine kóshýdemiz», - deıdi Aıaýlym Musaqanova.

Jas mamanǵa jańa páterdiń kiltin oblys ákiminiń orynbasary Dúısenbaı Turǵanov tabys etip, páter ıesin jańa qonysymen quttyqtap, aımaq aýrýhanalaryna bilikti mamandar kerek ekenin atap ótti. Baǵdarlama qatysýshalyran arnalǵan 168 sharshy metr aýdandyq jaldamaly turǵyn úı 16 mln teńgege salynǵan. Aqtoǵaı aýdanyna bıylǵy jyly barlyǵy bes dáriger keldi, olardyń barlyǵy 100% turǵyn úımen qamtamasyz etilgen.