Pavlodar oblysynda dinı qyzmetkerlerge túrmelerdegi búlikshil aǵynnyń jolyn kesý tapsyryldy

PAVLODAR. QazAqparat -  Pavlodar oblysynyń bas ımamy Narıman Isenov dinı qyzmetkerlerge túrmelerde búlikshil aǵyndardyń jolyn kesýdi tapsyrdy,  dep habarlady «QazAqparat» HAA tilshisi.

N. Isenov   Prezıdenttiń  Joldaýyna baılanysty ótken  semınarda Pavlodar oblysy boıynsha dinı basqarmanyń ýákiletti ımamy retinde bas bostandyǵynan aıyrý oryndarynda dinı qyzmetkerlerdiń jumys isteýine basa kóńil bólýdi tapsyrdy. Sebebi «búlikshil aǵyndar naq osy jerde baıqalýda», - dep habarlady pavlodarlyq Máshhúr Júsip Kóbeev atyndaǵy meshittiń baspasóz qyzmetinen.
 

Bas ımam Prezıdenttiń Joldaýyna toqtala kele,  áriptesterin qoǵamdy rýhanı-adamgershilik saýyqtyrý, mádenı, rýhanı tutastyqty saqtaý boıynsha mindettermen tanystyrdy.

 «Jastardy rýhanı-adamgershilik baǵytta tárbıeleý bizdiń qoǵam úshin ózekti problema bolyp qala beredi. Biz jastar búlikshil sektalardyń yqpalyna túsip qalmaý úshin bar kúshimizdi jumsaýymyz qajet. Bizdiń birligimizge nuqsan keltirip, búlikke, daý-damaıǵa alyp keletin  aǵyndarmen kúresti kúsheıtýimiz qajet», - dep atap ótti Isenov.

Oblys ımamdary din salasyndaǵy jumystardy jaqsartý, qoǵamnyń rýhanı qundylyqtaryn nyǵaıtý boıynsha óz usynystarymen bólisti.