Pavlodar oblysynda dala órti órship tur
PAVLODAR. QazAqparat - Pavlodar oblysynda dala órti órship tur, dep habarlaıdy «QazAqparat» HAA tilshisi.
2017 jyldyń basynan beri Pavlodar oblysynyń memlekettik orman qory aýmaǵynda 65 órt oqıǵasy tirkeldi. Jalyn sharpyǵan aýmaq - 1034 gektar, onyń 56 gektary ormandy jerler. Kelgen shyǵyn kólemi - 2 mln 405 myń teńge. Bul jaıynda brıfıngte Pavlodar oblystyq TJ departamentiniń basshysy Álibek Dlımov málimdedi.
Onyń aıtýynsha, 2016 jyldyń osy kezeńindegi kórsetkishpen salystyrǵanda, janý faktileri alty oqıǵaǵa artqan, al órt shalǵan orman aýmaǵy toǵyz esege ulǵaıdy, materıaldyq shyǵyn shamamen úsh esege, ıaǵnı 27 paıyzǵa artty.
Orman órtteriniń shyǵýynyń negizgi sebebi naızaǵaıdyń túsýi bolyp otyr.
Tilsiz jaýdy aýyzdyqtaýǵa Pavlodar oblysynyń aýyldyq jerlerinde qurylǵan 2 523 adamnan turatyn ári tıisti qurylǵylarmen jabdyqtalǵan 216 erikti jasaqtar men memlekettik órtke qarsy qyzmetteri joq shalǵaı eldi mekenderde jumys isteıtin 21 órt beketi kómektesedi.
Á.Dlımovtyń aıtýynsha, erikti jasaqtar memlekettik órtke qarsy qyzmet kómeginsiz dala órtiniń 75 paıyzyn óz betterimen aýyzdyqtady, al órt beketteri 49 shaqyrtýǵa shyqty.
