Pavlodar oblysynda bolǵan jol-kólik oqıǵasy saldarynan bir áıel men bir jasar sábı mert boldy jáne tórt adam aýrýhanaǵa jatqyzyldy
ASTANA. Jeltoqsannyń 17-si. QazAqparat - Pavlodar oblysynda Pavlodar-Semeı avtojolynyń 78 shaqyrymynda «Mazda» avtokóliginiń júrgizýshisi betonnan jasalǵan aıaldamaǵa soqtyǵysty,
dep habarlaıdy QR TJM baspasóz qyzmeti.
Sársenbi kúni, jeltoqsannyń 16-synda bolǵan jol apaty saldarynan oqıǵa ornynda avtokólik salonynda bolǵan bir jasar sábı til tartpaı ketti. 2007 jyly týǵan ekinshi bala jaraqat alyp, aýrýhanaǵa jatqyzyldy.
Sol kúni Lenınsk-Ertis avtojolynyń 4 shaqyrymynda «VAZ» jáne «Toıota» avtokólikteri soqtyǵysty. Jol-kólik oqıǵasy saldarynan «VAZ»-dyń 56 jasar jolaýshysy mert boldy, al júrgizýshi men onyń eki jolaýshysy aýrýhanaǵa jatqyzyldy.
