Pavlodar oblysynda birinshi besjyldyqtaǵy 66 joba josparly kórsetkishterge qol jetkizdi
Óńirde iske qosylǵan eki jobanyń jumys qarqyny ázirshe tómen deńgeıde. Olar «Qazaqstan vagon jasaý kompanııasy» jáne «Algold» JShS.
«Úkimet tarapynan lızıng mehanızmi arqyly otandyq júk jáne jolaýshylar vagondaryn jasaý ónerkásibin qoldaý úshin 17,5 mlrd. teńge kóleminde aqshalaı qarajat bólindi. Osy qarjylaı kómek arqyly temirjol mashınalaryn jasaý salasyndaǵy 39 kásiporyn, olardyń ishinde «Qazaqstan vagon jasaý kompanııasy» JShS-y da ózderiniń jaǵdaıyn kóterip, naryqtaǵy belsendiligin arttyra alady, - dedi Álisher Ábdiqadyrov. - «Algold» JShS-na keletin bolsaq, quramynda altyn bar rýdalardy qaıta óńdeý óndirisin modernızatsııalaý jobasy boıynsha kásiporyndaǵy jumys mamyr aıynan bastap qaıta jandandy. JShS-nyń ónimderi «Taý-Ken Altyn» JShS-nyń affınajdaý zaýytyna satylymǵa shyǵarylady. «Taý-Ken Altyn» JShS-y «Taý-Ken Samuryq» ulttyq taý-ken kompanııasynyń quramyna enedi».
2015-2019 jyldar aralyǵynda oblysymyzda ınvestıtsııalar kólemi 1,2 trln. teńgeni quraıtyn 32 joba júzege asyryldy. Bul jobalardyń sheńberinde 7000 jumys oryndary quryldy. 2015 jyly 5 joba iske qosyldy. Olardyń ishinde Bozshakól taý-ken baıytý kombınaty men munaı koksyn qyzdyrý qondyrǵysy da bar. 2016 jyly jeti jobany tapsyrý kózdelip otyr. Olardyń úsheýi (Ekibastuz jáne Pavlodar qalasyndaǵy jylyjaı keshenderi jáne Maı aýdanyndaǵy kómir baıytý qondyrǵysy) qazirdiń ózinde jumys istep tur.
Belgili bolǵandaı, 2016 jyly oblystyń negizgi kapıtalyna 460 mlrd teńge tartýǵa jaǵdaı jasalady. Bolat Baqaýov óńirdiń tartymdylyq kartasyn jasap, onda qarjylyq qoldaýdy qajet etetin jumys istemeı turǵan kásiporyndardy kórsetýdi talap etti. Sonymen qatar, Pavlodar oblysynyń ákimi jergilikti ákimderdiń jumysy tartylǵan ınvestıtsııalardyń sanyna qaraı baǵalanatynyn eske saldy.
