Pavlodar oblysynda birde-bir eldi mekenge sý tasqyny qaýip tóndirip turǵan joq - ákimdik
PAVLODAR. QazAqparat - Pavlodar oblysynda erigen qar sýynyń tasyp, respýblıkalyq mańyzy bar tasjoldarǵa jaıylýynyń tórt faktisi tirkeldi, dep habarlaıdy «QazAqparat» HAA tilshisi.
Pavlodar oblystyq TJ departamentiniń resmı deregi boıynsha, erigen qar sýlary Maı aýdanynda Lenınsk-Aqsý-Úlken Aqjar tasjoly arqyly, al Baıanaýyl aýdanynda Ýlıanovsk - Kerneı - Qalqaman tasjoly arqyly úsh ýchaskede aǵyp ótýde. «Buǵan qaramastan, barlyq aýyldarǵa baratyn múmkindik jasalǵan», - dep habarlady Pavlodar oblystyq ákimdiginiń baspasóz qyzmeti.
Sý tasqyny tirkelgen jerlerge qosymsha kúsh pen tehnıka tartyldy. Qutqarýshylar atap ótkendeı, qazir eshbir eldi mekenge sý tasqynynyń syrtqy qaýpi tónip turǵan joq. Óńirlik ákimshiliktiń habarlaýynsha, keıbir aýyldardaǵy erigen sýdyń tasý sebebi - sol eldi mekenderde qardy shyǵaryp úlgermegen.
