Pavlodar oblysynda bir mıllıonnan astam qujat tsıfrlandyrylady

PAVLODAR. QazAqparat - Pavlodar oblysynda «Sandyq Qazaqstan» baǵdarlamasy aıasynda qujattardy tsıfrlandyrý jumystary 2018 jyly bastalady, dep habarlaıdy pavlodarnews.kz .

 Oblystyq ákimdikte ótken alqa jıyny barysynda mádenıet, arhıvter jáne qujattama basqarmasynyń basshysy Ardaq Raıymbekov atap ótkendeı, óńir aýdandary men qalalarynda 1,2 mıllıonǵa jýyq foto, kıno, vıdeoqujattar bar. Jyl saıyn olardyń sany artyp keledi. Máselen, 2017 jyly 15 myń túrli qujat oblystyq arhıvke ótkizilgen. - Eń mańyzdy jumystarymyzdyń biri - qujattardy tsıfrlandyrý, - deıdi Ardaq Raıymbekov. - 2018 jyly bul jumystarǵa 72 mıllıon teńge qarastyrylǵan. Osy qarajatqa zamanaýı qural satyp alamyz, bul tórt robottandyrylǵan jyldam skaner jasaý jabdyǵy men 144 terabaıttyq tórt saqtaý júıesi. Bolashaqta tsıfrlandyrylǵan bazada izdeý jumystaryn jeńildetýge múmkindik beretin elektrondy arhıv jasaý josparda bar».

Aıta keteıik, óńirde qujattardy sanǵa aýystyrý jumystary 2020 jyly aıaqtalady.