Pavlodar oblysynda bir kúnde eki adam sýǵa batyp ketti
ASTANA. QazAqparat - 1 tamyz kúni Pavlodar oblysynda eki adam sýǵa batyp, kóz jumdy, Bul týraly Pavlodar oblystyq TJD memlekettik til jáne aqparat toby málim etti, dep habarlaıdy pavlodarnews.kz.
«Keshe Aqsý aýyldyq aımaǵyna qarasty Eńbek aýylynda saǵat 11:05-terde 54 jastaǵy er azamat Ertis ózeniniń tyıym salynǵan bóliginde shomylyp, sýǵa batyp ketti. Dál sol kúni Pavlodar qalasynda da uqsas jaǵdaı oryn aldy. 17:45 mınýt shamasynda tómengi jaǵalaýda Ertis ózeniniń baqylaýdan tys bóliginde shomylǵan 28 jastaǵy er azamat kóp jumdy. Ýsolka ózeninde qutqarýshylar 22 jastaǵy jigitti aman alyp qaldy», - dedi TJD mamandary.
Oblystyq TJD ózen-kólderdiń tyıym salynǵan bólikterinde shomylýǵa bolmaıtynyn qatań eskertedi.
