Pavlodar oblysynda bir kúnde 20 myń aǵash otyrǵyzyldy
PAVLODAR. QazAqparat - Pavlodar oblysynda bir kúnde 20 myń aǵash otyrǵyzyldy, dep habarlaıdy QazAqparat oblys ákiminiń baspasóz qyzmetine silteme jasap.
24 sáýirde Pavlodar oblysynda aǵash otyrǵyzý, sý aıdyndaryn qaraýsyz jáne zańsyz qurylǵan aýdan tazartý, sondaı-aq turmystyq qaldyqty jınaý aktsııasy ótti. Bul sharaǵa 20 myńǵa jýyq adam tartyldy. Aktsııaǵa oblystyq ákimdik ókilderi, olardyń qalalar men aýdandardaǵy áriptesteri, balyq ınspektsııasy qyzmetkerleri, kásiporyndar, úkimettik emes uıymdar, stýdentter, oqýshylar jáne oblystyń qarapaıym turǵyndary atsalysty.⠀
Oblysta barlyǵy 20 myńnan astam aǵash pen buta otyrǵyzylyp, qalalar men aýdandardyń aýmaqtary 24 myń tonna qoqystan tazartyldy. Sý qoımalarynan taǵy 82 tonna qaldyq shyǵaryldy.«Taza tabıǵat» ulttyq jobasy aıasynda ótken aýqymdy shara qorshaǵan ortanyń lastanýy problemasyna nazar aýdarý úshin jasalǵan. Pavlodar oblysynda «Taza Tabıǵat» aıasynda «Mekenim – jasyl orman», «Sý kózderin ashý, bulaqtardy tazartý», «Birge taza Qazaqstan», «Taza sý aıdyndary» sııaqty aktsııalar ótkizildi.
⠀
