Pavlodar oblysynda bir kúnde 1,3 myń tonna qoqys jınaldy
PAVLODAR. QazAqparat - Búgin Pavlodar oblysynda abattandyrý aılyǵy aıasynda 1,3 myń tonna qoqys jınaldy, dep habarlaıdy QazAqparat oblys ákimdigine silteme jasap.
Pavlodar oblysynyń ákimi Ábilqaıyr Sqaqov jarııalaǵan abattandyrý jáne sanıtarlyq tazalyq aılyǵy 10 sáýirde bastaldy.
«Tórtinshi kún qatarynan sharýashylyq sýbektileri, kommýnaldyq qyzmetter jáne óńirdiń tazalyǵyna beı-jaı qaramaıtyn turǵyndar qoqysty jınap, qoǵamdyq oryndar men saıabaqtardy abattandyryp, shaǵyn sáýlet nysandary men avtobýs pavılondaryn jóndedi. 13 sáýir kúni barlyq qalalar men aýdandar boıynsha jappaı tazalaýǵa 1,2 myńnan astam adam qatysty. 87 tehnıkanyń kómegimen 1,3 myń tonnadan astam qoqys shyǵaryldy», delingen habarlamada.
Seısenbi kúni Pavlodardaǵy úı mańyndaǵy aýmaqtardy tazalaýǵa «Vera PV» PIK ujymy da shyqty. Qyzmet kórsetetin kompanııanyń qyzmetkerleri Tkachev kóshesindegi úılerdiń janynda 20 qaptan astam qoqys jınady. Qoqysty shyǵarý úshin qala ákimdigi kooperatıvke júk kóligin usyndy. PIK - tiń ózinde Ýsolka shaǵyn aýdanynyń turǵyndarynyń kópshiligi jalpy oblystyq senbilik ótetin kúni - 17 sáýirde jappaı tazalaýǵa shyǵatynyn atap ótti.
