Pavlodar oblysynda bir adam koronavırýstan kóz jumdy
NUR-SULTAN. QazAqparat - Pavlodar oblysynda bir adam koronavırýstan kóz jumdy. Bul týraly QazAqparat www.coronavirus2020.kz saıtyna silteme jasap habarlaıdy.
23 sáýirde Pavlodar qalasynyń 57 jastaǵy turǵynynan COVID-19 tabyldy. Er adam ınfektsııalyq statsıonarǵa jatqyzyldy.
Onyń jiti bronhıt dıagnozy boldy. Naýqastyń jaǵdaıy aýyrlyqtyń ortasha dárejesi retinde baǵalandy. Patsıent 2-tıpti qant dıabetimen esepte turǵan.
26 sáýirde jaǵdaıynyń nasharlaýyna baılanysty er adam juqpaly gospıtaldiń reanımatsııalyq bólimine aýystyryldy.
Kún saıyn respýblıkalyq mamandarmen keńes ótkizildi.
29 sáýirde er adamda tynys alý jetispeýshiliginiń ósýi tirkeldi. Osyǵan baılanysty ol ÓJJ apparatyna qosyldy.
2 mamyrda naýqastyń jaǵdaıy kúrt nasharlady. Keńes alý úshin Nur-Sultan qalasynyń kardıohırýrgy shaqyryldy.
Reanımatsııadan keıingi kezeńde emdelýshide júrek-tynys alý jáne búırek jetkiliksizdigi órshidi. Júrgizilgen qarqyndy terapııaǵa qaramastan, patsıenttiń jaǵdaıy nasharlady. Emdeý QR DSM dıagnostıkalaý jáne emdeý hattamasyna sáıkes júrgizildi.
6 mamyr kúni saǵat 20:40-ta er adamnyń bıologııalyq ólimi anyqtaldy.
Aıta ketsek, Qazaqstanda koronavırýstan barlyǵy 31 adam kóz jumǵandy.
