Pavlodar oblysynda bes kún buryn joǵalǵan balyqshylardń denesi kólden tabyldy
PAVLODAR. QazAqparat - Pavlodar oblysynda joǵalyp ketken eki balyqshynyń máıiti tabyldy, dep habarlaıdy QazAqparat Іshki ister mınıstrliginiń Telegram paraqshasyna silteme jasap.
«10 qazan kúni saǵat 14.00 shamasynda izdeý sharalary kezinde Qýtaıaqsor kólinen 8 qazanda habar-osharsyz ketken eki balyqshynyń denesi tabyldy. Jergilikti jerde polıtsııa jáne TJ qyzmetkerleri jumys isteýde. Máıitter boıynsha saraptama taǵaıyndaldy, onyń nátıjesinen soń sheshim qabyldanady», - dep habarlady Pavlodar oblysy polıtsııa departamentiniń baspasóz qyzmeti.
Eske sala keteıik, biz buǵan deıin Pavlodar oblysynda joǵalǵan balyqshylar izdestirilip jatqanyn habarlaǵan bolatynbyz.
8 qazan kúni Ekibastuz polıtsııasyna 64 jastaǵy qala turǵyny 69 jastaǵy jubaıyn izdeýde kómek kórsetýdi suraǵan.
Onyń aıtýynsha, 5 qazan kúni saǵat 12.30 shamasynda er adam ÝAZ kóligimen tanysymen birge balyq aýlaýǵa ketken. Osy ýaqytqa deıin olar úıine oralmaǵan.
9 qazanda Kýtoıaksor kólin jaǵalaýynan ÝAZ kóligi tabyldy. Tekserý barysynda qujattary, aqsha, uıaly telefondar, avtokóliktiń kilti mashınanyń salonynan tabyldy.
Foto:t.me/POLICE_of_KZ
