Pavlodar oblysynda bereshegin tólemegenderdiń kóligi aıyppul turaǵyna qoıylýda
NUR-SULTAN. QazAqparat – Pavlodar oblysynda oblysynda jol erejesin buzǵan júrgizýshilerge aıyppul tóletý tártipteri qarastyrylýda, dep habarlaıdy QazAqparat QR ІІM baspasóz qyzmetine silteme jasap.
Polıtsııa qyzmetkerleri málimetter bazasy arqyly kóshede aıyppuly bar kólikterdi anyqtaıdy. Bul rette aıyppuly bar júrgizýshiler bereshegin quqyq qorǵaýshylardyń qyzmettik kólikterine ornalastyrylǵan posttermınaldar arqyly aıyppuldy birden tóleı alatynyn aıta ketý kerek.
«Ákimshilik aıyppuldy tólemegen jaǵdaıda avtokólik arnaıy aıyppul turaǵyna jetkiziledi», - dedi ákimshilik polıtsııa basqarmasynyń bastyǵy Dýlat Tókenov.
Reıdtik sharalardy jol ústinde ǵana emes, aıyppuldan qashyp júrgenderdiń mekenjaıy boıynsha da júrgizý josparlanǵan.
Jalpy bıyl pavlodarlyq polıtsııa qyzmetkerleri jol erejesin buzǵan júrgizýshilerge 81 mln teńge kóleminde aıyppul salǵan. Onyń 40 mln teńgesi tólengen. Al ákimshilik quqyqbuzýshylyq úshin qaryz 206 mln teńgege jetken.
