Pavlodar oblysynda belgisiz ishimdikten ýlanǵandardyń jeteýi de kóz jumdy
PAVLODAR. QazAqparat - Marqum keshe, 28 mamyrda Ertis aýdandyq aýrýhanasynan oblys ortalyǵyna jetkizilgen edi, dep habarlaıdy QazAqparat Pavlodarnews resýrsyna silteme jasap.
Óńirlik densaýlyq saqtaý basqarmasynyń málimetinshe, 48 jastaǵy turǵyn Pavlodar qalasynyń №3 aýrýhanasynyń reanımatsııasyna jatqyzylǵan.
- Naýqas 1974 jyly týǵan, - dep naqtylady vedomstvo. - Jaǵdaıy óte aýyr dep baǵalandy. Ókinishke qaraı, patsıentti qutqarý múmkin bolmady.
Osylaısha, belgisiz suıyqtyqtan ýlanǵan jeti adam qaıtys boldy.
Buǵan deıin habarlaǵanymyzdaı, Pavlodar oblysynda belgisiz zattan 7 adam ýlanyp, beseýi qaıtys boldy.
Keıin aýrýhanaǵa jetkizilgen taǵy bir patsıent dúnıe salǵan edi.
Aıta keteıik, polıtsııa búkil kóz jumǵandardyń Ertis aýdany turǵynynyń úıinde bir ydysta saqtalǵan shyǵý tegi belgisiz suıyqtyqty ishkenin anyqtady.
Ydys alynyp, suıyqtyqtyń qaldyǵyna saraptama jasalatyn boldy. Zertteý nátıjesi boıynsha ólimniń sebebi anyqtalady.
