Pavlodar oblysynda bastaýysh synyp ustazdary jetkiliksiz
ASTANA. QazAqparat - Pavlodar oblysynda bastaýysh synyp ustazdary jetkiliksiz, dep habarlaıdy pavlodarnews.kz.
Bul týraly oblystyq bilim berý qyzmetkerleriniń tamyz konferentsııasynda basqarma basshysy Baqyt Bekseıitova málim etti.
«Oblysymyzda bastaýysh synyp muǵalimderi tapshy. Jyl saıyn kolledjderge memlekettik tapsyrys jasalyp, 140 stýdent tegin bilim alady. Bıyl atalmysh mamandyq boıynsha arnaıy orta oqý oryndaryn 158 túlek bitirse, JOO-da 18 stýdent dıplom aldy. Dese de, barlyǵyn joldamamen jumysqa jibersek te, áli de 70 ustaz jetispeı tur. Ustazdardyń basym bóligi Pavlodar qalasynda qajet», - dedi Baqyt Bekseıitova.
Basqarma basshysynyń aıtýynsha, bul máseleni sheshý úshin, aýdan ákimderiniń grantyn osy mamandyqqa kóptep bólýdi qolǵa alý kerek.
