Pavlodar oblysynda barymtashylar ustaldy
ASTANA. QazAqparat - Pavlodar oblysynyń Sharbaqty aýdanynda polıtsııa qyzmetkerleri urlanǵan 14 bas iri qarany aıdap bara jatqan eki adamdy qolǵa túsirdi, dep habarlaıdy «QazAqparat» HAA tilshisi Pavlodar oblysynyń ІІD baspasóz qyzmetine silteme jasap.
«35 jastaǵy Pavlodar oblysynyń jáne 46 jastaǵy ShQO turǵynyn quqyq qorǵaýshylar iz sýytpaı ustady. Kúdiktiler maldy Shyǵys Qazaqstannyń aýmaǵynda aıdap bara jatqan. Mal ıelerine 3 mln 200 myń teńge shyǵyn keltirilgen», - dep habarlaıdy vedomstvodan.
ІІD-niń habarlamasyna sáıkes, 46 jastaǵy kúdikti budan buryn da osyǵan uqsas qylmysy úshin sotty bolǵan. Qazirgi ýaqytta mal ıelerine qaıtarylyp, ustalǵandar ýaqytsh oqshaýlaǵyshqa qamalǵan. Atalǵan fakt boıynsha QR QK-niń 188-baby 3-tarmaǵy boıynsha sotqa deıingi tergeý júrgizilip jatyr. Kúdiktilerdiń kinási dáleldenden jaǵdaıda olar 7 jylǵa bas bostandyǵynan aıyrylýy múmkin.
