Pavlodar oblysynda balyqshylar izdestirilýde
8 qazan kúni Ekibastuz polıtsııasyna 64 jastaǵy qala turǵyny 69 jastaǵy jubaıyn izdeýde kómek kórsetýdi suraǵan.
Onyń aıtýynsha, 5 qazan kúni saǵat 12.30 shamasynda er adam ÝAZ kóligimen tanysymen birge balyq aýlaýǵa ketken. Osy ýaqytqa deıin olar úıine oralmaǵan. Bul ótinish tulǵanyń joǵalýy faktisi boıynsha sotqa deıingi tergeýdiń biryńǵaı tiziliminde tirkeldi. 9 qazanda Kýtoıaksor kólinde izdeý is-sharalary men oqıǵa ornyn tekserý barysynda ÝAZ kóligi tabyldy. Tekserý barysynda qujattary, aqsha, uıaly telefondar, avtokóliktiń kilti mashınanyń salonynan tabyldy. Kólikte rezeńke qaıyq bolmady, biraq qutqarý keýdesheleri sol jerde jatty.
Polıtsııa atalǵan kól mańyndaǵy eki azamattyń ketýi yqtımal jerlerde jedel-izdestirý is-sharalary júrgizilip jatqanyn, olardyń ornalasqan baǵytyn anyqtaý boıynsha jeke quram men berilgen kúshterdiń baǵdarlanǵanyn atap ótti.
Jergilikti jerde polıtsııa, TJ qyzmetkerleri, súńgýirler, kınologtar men eriktiler jumys júrgizip jatyr.
Foto: t.me/POLICE_of_KZ