Pavlodar oblysynda balalary túnde qydyryp júrgeni úshin myńnan astam ata-ana jazalandy
PAVLODAR. QazAqparat – Polıtsııa eresekterdiń qaraýynsyz oıyn-saýyq mekemesine jasóspirimderdi kirgizgen 25 kásipkerdi jaýapkershilikke tartty, dep habarlaıdy QazAqparat tilshisi.
«Polıtsııaǵa Pavlodardaǵy Chokın kóshesiniń boıyndaǵy aýlada jasóspirimderdiń shýlap jatqanyn habarlap, bir áıel qońyraý shalǵan. Sol jerge barǵan polıtseıler polıtsııa bólimine jasóspirimder men olardyń ata-analaryn jetkizdi. Nátıjesinde, olar QR Ákimshilik quqyq buzýshylyq kodeksiniń 442-baby 2-bóligi boıynsha jaýapqa tartyldy. Balalarmen, olardyń ata-analarymen profılaktıkalyq áńgimelesý júrgizildi», - dedi Pavlodar oblystyq PD baspasóz qyzmetinen.
2022 jyldyń basynan bastap Pavlodar oblysynda polıtsııa balalardy tárbıeleý, bilim berý jáne olardyń quqyqtaryn qorǵaý jónindegi mindetterin oryndamaǵany úshin 200-ge jýyq ata-ana jáne zańdy ókildi jaýapqa tartty.
«2022 jyldyń 5 aıynda balalardyń túngi ýaqytta oıyn-saýyq mekemelerinde jáne turǵyn úıden tys jerde zańdy ókilderinsiz júrgeni úshin 1029 ata-ana jazaǵa tartyldy. 25 oıyn-saýyq mekemesiniń ıesi jasóspirimderdi eresektersiz kirgizgeni úshin jaýapkershilikke tartyldy», - dedi vedomstvodan.
