Pavlodar oblysynda balalardy ońaltýdyń biryńǵaı júıesi jasalady
Oblys ákimi Asaıyn Baıhanov jóndeýden keıin ashylǵan oblystyq balalardy ońaltý ortalyǵyna bardy.
Buǵan deıin ortalyq Lermontov kóshesi, 59 mekenjaıyndaǵy úı-jaıdy Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıtetiniń departamentimen bólisip turǵan edi.
Memlekettik organ basqa ǵımaratqa kóshkennen keıin shamamen 300 sharshy metr bosady. Jalpy aýdany 1486,6 sharshy metr ǵımaratta kúrdeli jóndeý júrgizilip, munda EFK, kınezoterapııa, magnıtoterapııa, lazerlik terapııa, jaryq emdeý jáne gıdroterapııa, psıholog jáne logoped kabınetteri ornalasty.
Sonymen qatar, qazir ortalyqta 2 basseın jumys isteıdi, onyń ishinde sábılerge arnalǵan basseın de bar, sondaı-aq, sensorlyq bólmeler, Montessorı kabıneti, tuz shahtasy jáne sport zaly ashyldy.
Ortalyqtyń basshysy Farıda Turaqbaevanyń aıtýynsha bir aýysymdaǵy kelýshiler sany júzden júz otyzǵa deıin ósti.
Bul ortalyq ońaltýdyń jalpy júıesindegi birinshi ortalyq boldy.
Aldaǵy ýaqytta óńirde aýtızm spektri buzylǵan balalarǵa arnalǵan jáne «Qamqorlyq» erte aralasý ortalyǵyn ashý josparlanyp otyr, sondaı-aq oblystyq balalar aýrýhanasynyń trıaj-ortalyǵyn salý máselesi qaralyp jatyr.
Asaıyn Baıhanov búkil óńirdiń balalaryna kómek kórsetetin osyndaı ońaltý ortalyqtarynyń jumysynyń mańyzyn atap ótti.
- Mundaı ońaltý ortalyqtary bizdiń balalarymyz úshin óte qajet. Olar kóptegen sábılerge kómektese alady. Biz oblysta balalardy ońaltý úshin ınfraqurylymdy keńeıtip, jaqsartatyn bolamyz, - dedi oblys ákimi.
Óńir basshysy densaýlyq saqtaý basqarmasyna bul máseleni erekshe baqylaýda ustaýdy jáne balalar aýrýlarynyń aldyn alý úshin erte emdeý jáne ońaltýdyń úzdik otandyq jáne álemdik ádistemelerin jınaqtaýdy tapsyrdy.
