Pavlodar oblysynda balalar úıleriniń sany azaıýda
PAVLODAR. QazAqparat - Ertis óńirinde balalar úıleri birtindep jabylyp jatyr. Bul týraly Habar 24 habarlaıdy.
Osydan toǵyz jyl buryn ata-ana qamqorlyǵynan aıyrylǵan jetkinshekterge arnalǵan 19 bilim berý uıymy bolsa, qazir olardyń qatary onnan asady. Ul-qyzdarǵa jan jylýyn syılap, baýyryna basqysy keletin meıirimdi jandar da kóp.
Alekseı Lodochnıkov - Tereńkól aýdanyndaǵy balalar úıiniń túlegi. Ónerimen tanylǵan jas qoly bosasa, týǵan balalar úıine barýdy dástúrge aınaldyrǵan. Tereńkól aýdanyndaǵy balalar úıinde 45 bala tárbıelenedi.
Osydan birneshe jyl buryn olardyń sany eki ese kóp bolatyn. Sońǵy ýaqytta 35 ul-qyz jańa ata-anasymen qaýyshty. 9 jasar Artem de qatarlastary sııaqty tolyqqandy januıada óskisi keledi.
«Maǵan unaıdy matematıka, dene shynyqtyrý, ádebıet oqý jane qazaq tili. Muǵalimder jaqsy. Men óskende órt sóndirýshi bolamyn», - dedi balalar úıiniń tárbıelenýshisi Artem.
Osyndaı úrdis oblystaǵy barlyq balalar úılerinde baıqalady. Jabylǵan uıymdar oqýshylardyń demalys oryndaryna aınalǵan.
«Asyrap alýshylardyń qatarynda oblys turǵyndarynan basqa ózge óńirlerdiń azamattary bar. Máselen, jýyrda eki balany aqtóbelik otbasy baýyryna basty. Ul-qyzdar jańa otbasy tapsa ıgi. Balalar baqytty bolýǵa laıyq», - balalar úıiniń dırektory Úmit Qabysheva.
«2010 jyly oblysta 19 balalar úıinde 810 jetkinshek tárbıe aldy. Al bıyl olardyń qatary 11 uıymǵa azaıdy. Búginde balalar úılerinde 379 tárbıeshi turady. Ata-ana atanǵandarǵa memleket tarapynan qoldaý bar», - oblystyq bilim berý basqarmasynyń bas mamany Gúlmıra Baıǵazınova.
