Pavlodar oblysynda balaǵa qol kótergen tárbıeshiniń ústinen is qozǵaldy
«Áleýmettik jelilerdi monıtorıngileý barysynda @maruv_blago Instagram-paraqshasynda Pavlodar turǵynynyń ótinishi anyqtaldy. Onyń aıtýynsha, 18 qazan kúni Pavlodar qalasynyń mamandandyrylǵan balabaqshasynda tárbıeshi kámeletke tolmaǵan ulyna dene jaraqatyn salǵan.
Polıtsııa atalǵan fakti boıynsha tekserý júrgizdi. Pavlodar qalasynyń Ýrıtskıı kóshesinde ornalasqan №52 balabaqshanyń tárbıeshisi 2017 jyly týǵan balaǵa dene jaraqatyn salǵany anyqtaldy.
Bul fakti boıynsha sot-medıtsınalyq saraptama taǵaıyndalyp, onyń qorytyndysy boıynsha – «balaǵa túsken dene jaraqaty densaýlyqqa jeńil zııan keltirýmen sáıkes keledi». Osyǵan baılanysty balabaqshanyń 30 jastaǵy tárbıeshisine qatysty QR Ákimshilik quqyq buzýshylyq týraly kodekstiń 73-1-baby 1-bóligi boıynsha ákimshilik is qozǵaldy. Materıal sotta qaralady», - delingen habarlamada.
Málimetke sáıkes, tekserý nátıjeleri mektepke deıingi osy mekemeniń qyzmetkeri men basshysyna qatysty tártiptik yqpal etý sharalaryn qabyldaý úshin oblystyq bilim basqarmasyna jiberiletin bolady.