Pavlodar oblysynda balabaqshada balaǵa dene jaraqatyn salý faktisi boıynsha tekserý bastaldy
PAVLODAR. QazAqparat - Polıtsııa Pavlodar oblysynyń balabaqshalarynyń birinde balaǵa dene jaraqatyn salý faktisi boıynsha tekserýdi bastady, dep habarlaıdy QazAqparat Polisia.kz saıtyna silteme jasap.
21 qazan kúni Aqsý qalasynyń polıtsııasyna kámeletke tolmaǵandardyń zańdy ókilderinen balalarǵa dene jaraqatyn keltirgen №12 balabaqshanyń tárbıeshisine qatysty shara qabyldaý týraly ujymdyq ótinish kelip tústi.
«Osy ótinish boıynsha polıtsııa tekserýdi bastady. Beınejazbalar alyndy. Qaraý kezinde balabaqsha qyzmetkeri kámeletke tolmaǵandardy uryp-soqqany anyqtaldy. Atalmysh fakti boıynsha sot-medıtsınalyq saraptamasy taǵaıyndaldy. 44 jastaǵy tárbıeshige qatysty QR QK-niń 110-baby boıynsha sotqa deıingi tergeý bastaldy», - dep habarlady Pavlodar oblysy PD baspasóz qyzmeti.
Sondaı-aq tekserý nátıjeleri mektepke deıingi mekemeniń basshysyna qatysty tártiptik shara qabyldaý úshin oblystyq bilim basqarmasyna jiberiletin bolady.
Foto: polisia.kz
