Pavlodar oblysynda bala týý kórsetkishi tómendedi

PAVLODAR. QazAqparat - Pavlodar oblysynda bala týý kórsetkishi tómendedi.Týýdyń jalpy koeffıtsıenti 1000 adamǵa 14,26 týǵandardy qurady, dep habarlaıdy Pavlodarnews.kz.

«AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde 2022 jylǵy qańtar-qyrkúıekte týǵandar sany 8056 adamdy qurady. Bul - 2021 jylǵy qańtar-qyrkúıekke qaraǵanda 8,8% az», - deıdi óńirlik statıstıka departamentiniń habarlamasynda.

Bıylǵy toǵyz aıda óńir halqynyń tabıǵı ósimi byltyrǵy jyldyń uqsas kezeńimen salystyrǵanda 844 adamǵa nemese 57,1% kóbeıip, 2323 adamdy qurady.
Qarastyrylyp otyrǵan kezeńde qaıtys bolǵandar sany 5733 adamdy qurady. Bul - byltyrǵy kezeńge qaraǵanda qaraǵanda 22%-ǵa az. Ólim-jitimniń jalpy koeffıtsıenti 1000 adamǵa 10,15 qaıtys bolǵandardy qurady.
Bıyl toǵyz aıda 1 jasqa deıin shetinegen 55 náreste tirkeldi. 2021 jylǵy tıisti kezeńmen salystyrǵanda 3,5% azaıdy.