Pavlodar oblysynda azyq-túlik baǵasy qymbattady
Bul týraly Pavlodar oblysynyń statıstıka departamenti málim etti.
- Pavlodar oblysynda 2020 jylǵy qyrkúıekte azyq-túlik taýarlaryna – 0,1%-ǵa, azyq-túlik emes taýarlarǵa – 0,2%-ǵa, aqyly qyzmetterge – 1,2%-ǵa baǵa ósýi baıqaldy. Azyq-túlik taýarlary boıynsha jumyrtqa baǵasy 4,3%-ǵa, makaron ónimderi – 4,1%-ǵa, máıekti irimshik – 2,9%-ǵa, un – 2,1%-ǵa, jarmalar – 2%-ǵa, maı jáne toń maı baǵasy – 1,6%-ǵa ósýi baıqaldy, - dedi departamentte.
Sonymen qatar jemister men kókónister baǵasy 5,5%-ǵa arzandady.
Azyq túlik emes taýarlary boıynsha jeke qoldanatyn elektr prıborlary 1,5%-ǵa, avtomobılder – 0,6%-ǵa, kıim jáne aıaq-kıim – 0,1%-ǵa qymbattady.
Aqyly qyzmetter boıynsha elektr energııa tarıfteri 20,9%-ǵa qymbattady (aǵymdaǵy jyldyń mamyr aıynda tarıfterdiń 6,3% -ǵa, shildede – 8,7%-ǵa tómendeýin qosa alǵanda, 2019 jyldyń jeltoqsanyna elektr energııa boıynsha ındeksi 103,5%-dy qurady).
