Pavlodar oblysynda áıel eki balasymen birge Ertiske batyp ketti

PAVLODAR. QazAqparat – Áıel basqarǵan jeńil kólik ishinde eki balamen birge Ertiske batyp ketti, kóliktegilerdiń barlyǵy mert boldy, dep habarlaıdy QazAqparat Pavlodar oblystyq Tótenshe jaǵdaılar departamentiniń baspasóz qyzmetine silteme jasap.

«25 tamyz kúni saǵat 22:53-te Pavlodarskoe aýylynda Ertis ózeninen qutqarýshylar 1980 jyly týǵan ananyń, sondaı-aq onyń 6 jáne 9 jastaǵy eki balasynyń denesin alyp shyqty. Olar otyrǵan jeńil kólik 21:40-ta ózenge túsip ketken», - dep habarlady oblystyq TJD baspasóz qyzmetinen.

Oqıǵa ornynda 5 adam jáne 2 tehnıka jumys istedi.

Eske sala keteıik, Túrkistan oblysynda Syrdarııa sýyna 11 adam batyp ketti.