Pavlodar oblysynda avtobýstyń aýdarylý sebebi belgili boldy
PAVLODAR. QazAqparat – Pavlodar polıtsııasy búgin Báıet aýyly mańynda vahtamen jumys isteıtin adamdar mingen avtobýstyń aýdarylýyna qatysty túsinik berdi, dep habarlaıdy QazAqparat tilshisi.
«Avtobýs jekemenshik kompanııaǵa tıesili. Avtobýsqa vahtalyq ádispen jumys isteıtin jolaýshylar mingen, ol Pavlodardan Atyraý qalasyna shyqqan», - dep habarlady Pavlodar oblysy Polıtsııa departamentiniń baspasóz qyzmetinen.
Tártip saqshylarynyń málimetinshe, jol apaty «Pavlodar-Nursultan» avtojolynyń 139-shy shaqyrymynda bolǵan. Avtobýstyń 40 jastaǵy júrgizýshisi rýlge ıe bola almaı qalyp, jyraǵa aýdarylyp túsken.
«Oqıǵa ornynda polıtsııa qyzmetkerleri men jedel medıtsınalyq kómek qyzmetkerleri jumys istep jatyr. Aýrýhanaǵa jatqyzylǵandar joq, barlyq jolaýshy úılerine jiberildi», - dep atap ótti PD-dan.
Aıta keteıik, buǵan deıin Pavlodar oblystyq jedel járdem stantsııasy atalǵan jol apaty saldarynan avtobýsta bolǵan 32 adamnyń 16-sy aýrýhanaǵa jatqyzylǵanyn málim etken bolatyn.
Foto: Konstantın Shelkov
