Pavlodar oblysynda aýyl turǵynynan belgisiz markaly tapansha tabyldy
PAVLODAR. QazAqparat – Pavlodar oblysynda aýyl turǵynynan belgisiz markaly tapansha tabyldy, dep habarlaıdy QazAqparat tilshisi.
«Polıtsııa qyzmetkerleri Sharbaqty aýdanynda reıd barysynda 42 jastaǵy Sharbaqty aýylynyń turǵynynan belgisiz markaly tapansha tapty. Qazirgi tańda qarý saraptamaǵa berildi», - dep habarlady Pavlodar oblystyq polıtsııa departamenti baspasóz qyzmetinen.
Polıtseıler QR QK 287-baby «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha sotqa deıingi tergeý jumystary júrgizilip jatyr.
«13 kúnde zańsyz aınalymnan bes qarý tárkilendi. 2019 jyly barlyǵy 88 atys qarýy alynǵan edi», - dedi departamentten.
Polıtseıler qoǵamdyq qaýipsizdikti saqtaý úshin zańsyz qarý alyp júrý jáne saqtaý faktilerin anyqtaý boıynsha únemi reıd ótkizip turady.
Avtor Anton Gagarın
