Pavlodar oblysynda aýyl turǵyndaryn sý tasqynyna daıyndaýda
PAVLODAR. QazAqparat - Pavlodar oblysynyń Qashyr aýdanynda qutqarýshylar jergilikti turǵyndardy kóktemgi sý tasqynyna daıyndaýda, dep habarlaıdy «QazAqparat» HAA tilshisi.
Qashyr aýdandyq tótenshe jaǵdaılar bóliminiń mamandary ákimdiktiń ókilderimen jáne №23 órt sóndirý bóliminiń jeke quramymen, jedel-qutqarý jasaǵymen birlesip, 348 aýyl turǵynyna tasqyn kezindegi qaýipsizdik erejelerin úıretti.
Turǵyndarǵa TJ jaǵdaıyndaǵy erejeler týraly eskertpeler taratty. Al, Tereńkól jáne Peschanskıı aýyldyq okrýgterinde jınalys ótkizip, úı-úıdi aralap shyqty.
Munyń barlyǵy turǵyndardyń aldaǵy tasqyn kezeńinde qajetti is-áreket jasaýǵa, kóktemgi maýsymnan qaýip-qatersiz shyǵýlaryna, adamdardyń qaza tabýyna jol bermeı, sý tasqyny saldarynan keletin zalaldardyń aldyn alynýy úshin jasalynýda. Osyndaı-is-sharalar jalǵasyn tabady.
