Pavlodar oblysynda aýyl mańynda qamys órtenip jatyr

PAVLODAR. QazAqparat – Pavlodar oblysynyń Kenjekól aýyly tusynda dala órti tutandy, dep habarlaıdy QazAqparat.

«Saǵat 20.30, Pavlodar qalasy Kenjekól aýyly, rezıdentsııaǵa birinshi kireberis jol jaqta qýraǵan qamys órtenip jatyr. Órt sóndirý qyzmetkerleri jalyn 4 gektar aýmaqta janyp, taralyp jatqanyn anyqtady. Jerler memlekettik orman qoryna jatpaıdy. Pavlodar oblysy, Zarın aýyldyq okrýgine tıesili», - delingen oblystyq Tótenshe jaǵdaılar departamentiniń habarlamasynda.

Pavlodar qalasy Tótenshe jaǵdaılar basqarmasynyń bastyǵy Renat Valıshanov málim etkendeı, jaqyn mańdaǵy eldi mekender men memlekettik orman qoryna qaýip tónip turǵan joq.

Janý ornyna 3-ÓB, 11-ÓB, MÓB-1, Kenjekól aýylynyń órtke qarsy erikti qurylymynan 5 adam men 7 órt sóndirý tehnıkasy, bir jeńil avtokólik jumyldyryldy.