Pavlodar oblysynda aýyl esepshisi 4,5 mln jymqyrdy degen kúdikke ilikti
ASTANA. QazAqparat - Pavlodar oblysynyń mádenıet úılerinde iri kólemde bıýdjet qarajattaryn jymqyrý deregi tirkeldi, QazAqparat tilshisi QR Qarjy mınıstrliginiń baspasóz qyzmetine silteme jasap.
Aýdıt júrgizý kezinde Kalınovka jáne Baıqonys aýyldaryndaǵy mádenıet úılerinde zańbuzýshylyq anyqtaldy.
«Jumysshylarǵa jalaqy tóleýdiń durystyǵyn, bank esepterin tekserý kezinde memlekettik aýdıtorlar esepshi M. Álibaıdyń qarjylardy óz kartasyna aýdara salǵanyn anyqtady», - dep málimdedi vedomstvo ókilderi.
Qarjy mınıstrliginiń habaryna qaraǵanda, esepshi osylaısha jalpy somasy 4579,5 myń teńge bolatyn bıýdjet qarajatyn jymqyrǵan. Kalınovka aýylynan 1644,2 myń teńge jymqyrsa, al Baıqonystan 2935,3 myń teńgeni qoldy qylǵan.
Materıaldar Pavlodar oblysy boıynsha memlekettik kirister departamentine tapsyrylyp, qylmystyq is qozǵaldy.
