Pavlodar oblysynda aýtıst balalardy ońaltýǵa arnalǵan ortalyq ashylady
NUR-SULTAN. QazAqparat – Pavlodar oblysynda jyl sońyna deıin aýtızm sındromy bar balalardy ońaltýǵa arnalǵan ortalyq ashylady. Bul týraly Pavlodar oblysynyń ákimi Ábilqaıyr Sqaqov málim etti, dep habarlaıdy QazAqparat tilshisi.
Pavlolar oblysynda aýtızm sındromy bar balalardyń ata-analar ońaltý sharalary úshin basqa oblystarǵa baryp, qarajat shyǵyndaýǵa májbúr. Tipti múmkindigi shekteýli balalaryn qaratý úshin olar uzaq ýaqyt boıy kezekke turady. Al Qazaqstannyń basqa qalalarynda aýtızm sındromy bar balalarǵa arnalǵan ortalyq jumys istep tur. Nelikten osyndaı ortalyqty Pavlodar qalasynda ashpasqa? Bul suraqty tilshilerdiń biri búgin OKQ-da ótken baspasóz máslıhatynda Ábilqaıyr Sqaqovqa qoıdy.
Bul suraqqa jaýap bergen oblys ákimi aýtızm sındromy bar balalardyń ata-analarmen kezdeskenin málim etti.
«Men olarǵa osy máseleni sheshetinimdi aıtyp, ýáde bergenmin. Búgingi tańda aýtızm sındromy bar balalardy ońaltýmen aınalysatyn mekeme quryldy. Ol mekemeniń shtaty bekitildi. Biz buǵan deıin tek osy ortalyq ornalastyn nysandy izdegen edik. Ǵımaratty taptyq. Qazir «Asyl mıras» qorymen belsendi jumys júrgizilip jatyr. Osy ortalyqtyń mamandarynyń bári de oqytylady. Jyl sońyna deıin bul ortalyqty iske qosýdy josparlap otyrmyz», - dedi óńir basshysy.
