Pavlodar oblysynda at báıgesi uıymdastyryldy

PAVLODAR. QazAqparat - Aqsý qalasyna qarasty Dostyq aýyldyq okrýginde Uly Jeńistiń 72 jyldyǵy jáne Otan qorǵaýshylar merekesine oraı at jarysy uıymdastyryldy, dep xabarlaıdy pavlodarnews.kz .

 Dostyq aýyldyq okrýginiń ákimi Rústem Jaqsylyqovtyń aıtýynsha, shabandozdar básekesi taı, qunan jáne toq báıge túrleri boıynsha uıymdastyrylǵan.

"Taı bes shaqyrym, qunan 10 shaqyrym al toq báıgeniń júırikteri 15 shaqyrym qashyqtyqta shapty. Nátıjesinde taı báıgesinde Maı aýdany Malaısary aýylynan kelgen Beken Erǵazınovtyń júırigi birinshi bolyp kelse, qunan báıgede Aqsý qalasy M.Omarov aýylynyń turǵyny Qurmet Ómirzaqtyń qunany jeńiske jetti. Sondaı-aq, toq báıge júırikteriniń arasynda Baıanaýyl aýdanynan kelgen Rýslan Nyǵmanovtyń tulpary máre syzyǵyn birinshi bolyp kesti. Júırikterdiń ıesine medaldar men aqshalaı syılyqtar berildi", - deıdi Rústem Jaqsylyqov.  
 



Paramonovka aýylynyń sport ádiskeri Oımxan Jumalxannyń aıtýynsha, qos merekeniń qurmetine uıymdastyrylǵan alamanǵa ulttyq sporttyń janashyrlary aıryqsha qoldaý kórsetken. 

«Elimizdiń Otan qorǵaýshylar merekesi men Jeńis kúni qarsańynda ulttyq at sporty jarystaryn uıymdastyrýdy dástúrge aınaldyrdyq. Bıyl besinshi ret ótkizilip otyr. Bıylǵy báıgeniń jeńimpazdaryna aqshalaı syılyqtar osy aýyldaǵy "Darııa", "Paramonovka", "Geın" jáne Pogranıchnık aýylyndaǵy "Abylaı xan" sharýa qojalyqtary basshylarynyń demeýshiligimen berildi», - Oımxan Jumalxan.