Pavlodar oblysynda astyqtyń 94 paıyzy jınaldy
ASTANA. QazAqparat - Pavlodar oblysynda astyqtyń 94 paıyzy jınaldy. Sharýalar osy aptanyń sońyna deıin tolyq bitirýdi josparlap otyr.
Bul týraly oblystyq aýyl sharýashylyǵy basqarmasy ósimdik sharýashylyǵy jáne mehanızatsııa bóliminiń bas mamany Baıbolat Rahymjanov málim etti, dep habarlaıdy pavlodarnews.kz .
Oblysta dándi daqyldardy jınaý jumystary qyzý júrip jatyr. Bir apta ýaqyttyń ishinde aıaqtaıdy. Bıyl astyq ónimi 694100 gektar alqapqa egilgen. Qazir sonyń 655600 gektaryn jınap úlgerdi. Qazirdiń ózinde jergilikti dıhandar 770700 tonna astyq bastyrdy. Apta sońyna deıin bul kórsetkish 800 myń tonnyǵa deıin jetýi múmkin», - deıdi Baıbolat Rahymjanov. Bas mamannyń aıtýynsha, astyq daqyldaryn jınaý boıynsha Ertis aýdany kósh bastap keledi. Mundaǵy sharýalar gektaryna 12 tsentnerden jınap, 209 myń tonnadan asyrǵan. Sondaı-aq, Ýspen aýdany 136 myń tonna, Kachır aýdany 124 myń tonna bıdaı bastyrdy. Osy aptanyń aıaǵyna deıin dándi daqyldardy jınap bitirip, keler apta maıly daqyldar alqabyna aýysady. Bıylǵy kóktemde Pavlodar oblysynda 200 myń gektar jerge maıly daqyldar tuqymy sebilgen.
Aıta keterligi, byltyr Pavlodar oblysynda 800 myń tonna astyq bastyrǵan bolatyn. Qazaqstanda 2017 jyldyń 25 qyrkúıegindegi jaǵdaı boıynsha 20 368,2 myń tonna astyq jınalǵan.
