Pavlodar oblysynda astyq qyrmany tonaldy
ASTANA. QazAqparat - Pavlodar oblysynda kásiporyn júrgizýshisi qyrmannan úsh tonna astyq urlaǵan. Bul boıynsha qylmystyq is qozǵaldy, dep habarlaıdy QazAqparat oblystyq sottyń saıtyna silteme jasap.
Sharbaqty aýdandyq soty «P.» JShS júrgizýshisiniń astyq urlaýyna qatysty qylmystyq is qozǵady. 2017 jyldyń 30 qyrkúıeginde shamamen saǵat 06.50-de aıyptalýshy «Zıl 130» kóligimen JShS-nyń astyq qoımasy aýmaǵyna kelip, býnkerden kóliginiń shanaǵyna úsh tonnadaı bıdaı tıegen. Baqylaý-ótkizý beketinen esh kedergisiz shyqqan ol astyqty óz úıiniń aýlasyna túsirgen. Aıyptalýshy «P.» JShS-na 117 myń teńge kóleminde materıaldyq shyǵyn keltirgen.
Ol sotta kinásin tolyqtaı moıyndady. Sot júrgizýshini QK-niń 188-baby 1-bóligi (tonaý) boıynsha kináli dep tanyp 1,5 jyl bas bostandyǵynan aıyrý jazasyn taǵaıyndady. Úkim zańdy kúshine endi.
