Pavlodar oblysynda Astana kúnderi ótedi
PAVLODAR. QazAqparat - Qazaqstannyń 50 kórnekti sýretshisi Astanadan Pavlodarǵa kelip, úzdik dep tanylǵan 60 jumysyn tanystyrady, dep habarlaıdy QazAqparat tilshisi.
«2 jáne 3 qyrkúıekte oblys turǵyndary «Aq tilekpen, Astana» kórmesin tamashalaı alady. Ekspozıtsııada otandyq 50 sýretshiniń úzdik 60 jumysy jınaldy. Kórmede Janna Spýnerdiń jeke toptamasyndaǵy jumystaryn, sondaı-aq, astanalyq sheberlerdiń kartınalary men músinderin kórýge bolady», - dedi Pavlodar oblysy Іshki saıasat basqarmasyndaǵylar.
Kórme Pavlodar oblystyq kórkemsýret mýzeıinde tańǵy 10-nan keshki 6-ǵa deıin jumys jasaıdy. Al 2 tamyz kúni, saǵat 19.00-de «Ertis Promenad» sahnasynda ótetin «Astanadan aq tilek» gala-kontsertinde elordalyq ártister óner kórsetedi.
«Sahnaǵa «Saryarqa» halyq mýzykasy ansambli, «Shalqyma» halyq bıi ansambli, estradalyq bı ansambli, klassıkalyq, estradalyq jáne halyqtyq vokal solısteri shyǵady. Sondaı-aq, otandyq estrada juldyzdary Klara Tólenbaeva, Marjan Arapbaeva, Kúlaıym Qaıyrbaeva, Dos, Rınat Maltsagov jáne Almas Kishkenbaev óner kórsetedi», - dedi Іshki saıasat basqarmasynyń ókili.
Sharaǵa uıymdastyrýshylar demeýshilik kórsetken. Kirý tegin.
