Pavlodar oblysynda Ashyq kóshbasshylaryna túngi ekige deıin jumys isteýge ruqsat berildi

PAVLODAR. QazAqparat – Pavlodar oblysynyń bas memlekettik sanıtar dárigeriniń jańa qaýlysy shyqty, dep habarlaıdy QazAqparat tilshisi.

Qujatqa sáıkes, jumys kúnderi Ashyq jobasyna qatysatyn myna nysandardyń: barlyq tıptegi qoǵamdyq tamaqtaný nysandary; saýda oıyn-saýyq ortalyqtary, saýda úıleri, saýda jelileri, azyq-túliktik emes dúkender, saýna, SPA ortalyqtar, teatrlar, kınoteatrlar, kontsert zaldary, fılarmonııalar, PlayStation klýbtardy qosa alǵanda bılıard, kompıýter klýbtary, boýlıng, karaoke, lotereıa klýbtary men lotereıany ótkizýdiń ózge de nysandary, býkmekerlik keńseler jumysyna ruqsat beriledi.

Qyzmetkerler men kelýshilerde qaýipsiz «jasyl» mártebe (vaktsınatsııa, synamalardy alý kezinen bastap jeti táýlik aspaǵan teris nátıjesi bar PTR testi, turaqty medıtsınalyq qarsy kórsetilimderi bar nemese sońǵy úsh aı ishinde aýyryp jazylǵan adamdar) bolǵan jaǵdaıda túngi saǵat 00:00-ge deıin joǵaryda atalǵan nysandardyń jumysyna ruqsat beriledi.

Ashyq kóshbasshylary 02:00-ge deıin jumys isteı alady. Qaýly 29 qazan saǵat 00:00-den bastap 2021 jylǵy 12 qarasha saǵat 00:00-ge deıingi merzimmen kúshine enedi. Atalǵan qujattyń tolyq mátinin myna siltemeden kórýge bolady.

Avtory: Anton Gagarın