Pavlodar oblysynda Armenııadan ákelingen 77 kólik tirkeýge alynbaıdy
PAVLODAR. QazAqparat - Qazirgi ýaqytta oblysta Armenııadan ákelingen83 avtokólik tirkeýge alynǵan, dep habarlaıdy Pavlodarnews.kz.
Bul týraly oblystyq polıtsııa departamenti baspasóz qyzmeti málim etti.
«2020 jyldyń 1 maýsymynan bastap Armenııa Respýblıkasynan ákelingen kólik quraldaryn ýaqytsha tirkeý Pavlodar oblysynyń Halyqqa qyzmet kórsetýdiń 4 ortalyǵynda (Pavlodar, Ekibastuz, Aqsý, Ertis aýdany) júzege asyrylady. Pavlodar oblysynyń turǵyndary Armenııa Respýblıkasynan 182 avtokólik ákelgen. Onyń ishinde 77 kóliktiń róli oń jaǵynda jáne tirkeýge kelmeıdi», - dedi baspasóz qyzmetinde.
Búginde 83 avtokólik tirkeýge qoıyldy. Kólik quraldary ıelerine memlekettik tirkeý belgileri 14 aımaqpen A árpiniń belgisi bar sary túste berildi.
«Osy tirkeýmen avtokólik ıeleri Qazaqstan Respýblıkasynyń aýmaǵynda da, odan tys jerlerde de erkin júre alady. Jyl saıyn tehnıkalyq tekserýden ótip, sonymen qatar avtomobıl kóligi salyǵyn tóleı alady. Armenııa Respýblıkasynan kelgen avtokóliktiń árbir ıesimen polıtsııa qyzmetkerleri túsindirý jumystaryn júrgizedi, kólikti tirkeý erejelerin túsindiredi», - dedi departamentte.
