Pavlodar oblysynda ár eskertkishke jaýapty adamdar bolady
PAVLODAR. QazAqparat - Oblys ákimi Bolat Baqaýov óńirdegi árbir eskertkishtiń qojaıyny bolýy qajettigin talap etti, dep habarlaıdy QazAqparat pavlodarnews.kz-ke silteme jasap.
Búgingi tańda óńirde 283 eskertkish tirkelgen, sonyń 53-i oblys ortalyǵynda. Pavlodardaǵy eskertkishterdiń 11-i memleket menshigine jatady, 13-i jekeniń qolyna qarasa, taǵy 16-sy mádenıet oshaǵy. Keıbir eskertkishterge qaraıtyn jaýapty adamdar nemese uıym joq.
«Pavlodar aýmaǵynda qojaıyny joq 7 eskertkish bar. Olar: Zeıin Shashkınniń bıýsti, Qalıjan Bekhojın, Batyr Baıan, Malaısary batyr, Shoqan Ýálıhanov, Grıgorıı Potanın, Júsipbek Aımaýytov, Maıra Shamsýtdınova syndy tulǵalarǵa ornatylǵan eskertkishter», - deıdi Pavlodar mádenıet, arhıvter jáne qujattama basqarmasy basshysynyń orynbasary Gúlzıra Bashırova.
Onyń aıtýynsha, Pavlodar ákimi jyl sońyna deıin atalǵan eskertkishterdiń kútip ustaýshylardy anyqtaýdy tapsyrǵan.
«Eskertkishterdi durys saqtaý qajet. Bizde únemi eskertkishterge baılanysty másele týyndap jatady. Bir jerdiń plıtkasy opyrylyp túsedi, bir jerde jaryq janbaıdy. Sondyqtan árbir eskertkishtiń, eskertkish taqtalardyń da jaýapty adamy bolýy tıis», - deıdi ákim.
