Pavlodar oblysynda apta qorytyndysymen aýtsaıder-ákimder anyqtaldy

PAVLODAR. QazAqparat – Pavlodar oblysynyń ákimdiginde apta qorytyndysy boıynsha aýtsaıder-ákimder anyqtaldy. Qalalar men aýdandardyń basshylaryna 23 kórsetkish boıynsha baǵa berildi, dep habarlaıdy QazAqparat Pavlodarnews.kz saıtyna silteme jasap,

Ótken aptanyń qorytyndysy týraly apparat jınalysynda oblys ákiminiń orynbasary Asaın Baıhanov esep berdi.

A.Baıhanov álem, el jáne aımaq ómirindegi eń mańyzdy oqıǵalardy, atap aıtqanda, SOVID-19-ǵa qarsy álemdegi alǵashqy vaktsınanyń ázirlengenin, Qazaqstan men jeti el arasynda áýe qatynasy qalpyna keltirilgenin, Pavlodar oblysynan Parlament Senatyna depýtattyń saılanýyn, sondaı-aq qalanyń bir bóligin ystyq sýsyz qaldyrǵan «Pavlodar jylý jelileriniń» gıdravlıkalyq synaqtan ótkizilýin eske saldy.

Sondaı-aq, ákim orynbasary oblys qalalary men aýdandar ákimderiniń apta saıynǵy reıtıngin jarııalady.

«Biz damý dınamıkasyn, sondaı-aq tapsyrmalardyń oryndalýyn 23 kórsetkish boıynsha esepke alamyz. Apta qorytyndysymen, «qyzyl aımaqtaǵy» - aýtsaıderler arasynda Pavlodar, Jelezın jáne Baıanaýyl aýdandarynyń ákimderi bar. Baıanaýyl 23 kórsetkishtiń – 12-si, Jelezın – 11, Pavlodar – 12-si boıynsha «qyzyl aımaqqa» endi», - dedi Asaıyn Baıhanov.

Sondaı-aq, ol jyl basynan beri «Bıznestiń jol kartasy» boıynsha óńirde 213 joba júzege asyrylǵanyn atap ótti. Onyń ishinde osy aptada oblys tórt joba qoldaý tapty. Olardyń ekeýi – Pavlodarda, ekeýi – Aqtoǵaı men Ertis aýdandarynda. «Qarapaıym zattar ekonomıkasy» boıynsha Jelezın jáne Sharbaqty aýdandarynda úsh joba maquldandy.

«Eńbek» baǵdarlamasymen bir apta ishinde 11 joba iske asyryldy. Olardyń úsheýi – Baıanaýyl aýdanynda, al Pavlodar, Aqtoǵaı, Maı aýdandarynda eki-ekiden jáne ekeýi – Pavlodar men Sharbaqty aýdandarynda.