Pavlodar oblysynda anasyna til tıgizgen turǵyn qamaýǵa alyndy
ASTANA. QazAqparat - Pavlodar oblysy Sharbaqty aýdandyq sotynda óz anasyna til tıgizgen er adamǵa qatysty ákimshilik is qaraldy, dep habarlaıdy QazAqparat tilshisi.
Sharbaqty turǵynynyń jasy 60-qa taıap qalǵan. Soǵan qaramastan, úıde janjal shyǵaryp, anasyna til tıgizgen. «Sotta onyń 2018 jyly 7 qańtarda eshbir sebepsiz janjal shyǵaryp, óz anasyn balaǵattaǵany anyqtaldy. Atalǵan tártip buzýshylyq osymen ekinshi ret qaıtalanyp otyr. Sot otyrysy kezinde er adam óz kinásin tolyǵymen moıyndady, qatty ókinetinin de jetkizdi. Degenmen, sot ony Ákimshilik quqyq buzýshylyq týraly kodekstiń 73-baby, 2-tarmaǵy boıynsha kináli dep tanyp, 8 táýlikke deıin bas bostandyǵynan aıyrý jazasyn taǵaıynady. Sottyń sheshimi kúshine endi», - delingen sottyń resmı habarlamasynda.
