Pavlodar oblysynda alty adam aǵash kesip jatqan kezde qolǵa tústi
PAVLODAR. QazAqparat - «Brakoner» jedel-profılaktıkalyq is-sharasyn ótkizý barysynda Pavlodar oblysy ІІD jergilikti polıtsııa qyzmetiniń tabıǵatty qorǵaý polıtsııasy qyzmetkerleri «Ertis ormany» MOTR RMK Seıtenov ormanshylyǵy ınspektorymen birlesip aǵashty zańsyz kesken alty azamatty ustady.
Bul týraly oblystyq ІІD baspasóz qyzmeti málim etti, dep habarlaıdy pavlodarnews.kz .
«Ertis ormany» tabıǵı rezervaty Seıten ormanshylyǵyndaǵy aǵash alabyn patrýldeý kezinde tártip saqshylary aǵash urlaýshylardyń «ústinen tústi». Qaskóıler arnaıy tehnıkanyń kómegimen aǵashty kesip daıyndaǵan. Oqıǵa ornynan MTZ-80 jáne eki tirkeýishi bar MTZ-82 memlekettik tirkeý nómirinsiz eki traktor alyndy. Osy fakti boıynsha QR QK 340-babymen sotqa deıingi tergeý júrgizilýde. Keltirilgen shyǵyn mólsheri 2 mln 256 myń 850 teńgeden astam.
