Pavlodar oblysynda alkogol satýǵa tyıym salynýy múmkin
PAVLODAR. QazAqparat - Pavlodar oblysynda quqyq buzýshylyqtyń sany artqan jaǵdaıda alkogol satýǵa tyıym salynýy yqtımal, dep habarlaıdy pavlodarnews.kz.
Onlaın baspasóz máslıhatynda oblys ákiminiń orynbasary Sáken Shaıahmetov málim etkendeı, úı janyndaǵy dúkender burynǵydaı saǵat 9:00-den 20:00-ge deıin jumysyn jalǵastyra beredi. - Araq-sharap bólimderi azyq-túlik dúkenderiniń aýmaǵynda ornalasqan. Sondyqtan jumysyn jalǵastyra alady,- dedi Serik Shaıahmetov.
«Degenmen turmystyq zorlyq-zombylyq kórsetkishiniń artýy boldy. Belgili bir qylmystar tirkeldi. Adamdar úıden syrtqa shyǵa almaǵan soń spırttik ishimdikter tutynady. Árıne, bul barlyq turǵyndarǵa qatysty emes. Degenmen, eger de mundaı quqyq buzýshylyqtyń sany artqan jaǵdaıda alkogol satylymyna tyıym salynady».
Spıkerdiń aıtýynsha, karantındi buzǵan, ruqsat berý qujattaryn burmalaǵan turǵyndar men alypsatarlarǵa qatań ákimshilik sharalar qoldaný qarastyrylǵan. Azyq-túlik tasymaldaıtyn barlyq júk kólikteri arnaıy jasyl dáliz arqyly ótedi. Ol úshin tıisti anyqtama bolýy kerek. Basqa taýarlar sııaqty taǵam jetkizýge saǵat 22.00-ge deıin ruqsat etiledi.