Pavlodar oblysynda alıment tólemeı qashyp júrgen áke Reseıden tabyldy
PAVLODAR. QazAqparat – Polıtsııa alıment tóleýden jaltarǵan 52 jastaǵy er adamdy 2016 jyldan beri izdep, Sankt-Peterbor qalasynan tapty, dep habarlaıdy QazAqparat.
«2020 jyldyń qorytyndysy boıynsha, polıtsııa alıment tóleýden jaltarǵan 203 adamdy anyqtady, sonyń ishinde bes adam Reseı Federatsııasynyń aýmaǵynan tabyldy. Aıta keteıik, 2019 jyly tártip qyzmetkerleri 225 boryshker ákeni anyqtaǵan. Polıtseıler alıment tóleýden jaltarǵany úshin 2016 jyldan beri izdeýde bolǵan 52 jastaǵy er adamdy tapty. Ol Reseı Federatsııasynyń aýmaǵynda, Sankt-Peterbor qalasynan tabyldy», - dep baıandady Pavlodar oblysy polıtsııa departamenti basqarmasynyń bastyǵy Arman Ýálıev.
Oblystyq polıtsııa departamentiniń málimetinshe, taǵy bir boryshker, 35 jastaǵy pavlodarlyq azamatty polıtsııa onyń úsh jylda jınalǵan alıment qaryzyn tolyq ótegendikten izdeýdi toqtatty.
Quqyq qorǵaýshylar alıment boryshy bar 32 kóliktiń ıesin anyqtaı alǵan.
«Barlyq kólik arnaıy aıyp turaǵyna kirgizildi. Alıment tóleý boıynsha boryshkerlerdiń kólik quraldary týraly málimetter sondaı-aq «Avtopotok» jáne «Integra» avtomattandyrylǵan júıesine engizilýde», - dep qosyp ótti vedomstvodan.
