Pavlodar oblysynda alıment tólemegen turǵyn qylmystyq jaýapkershilikke tartyldy
NUR-SULTAN. QazAqparat – 2016 jyldan beri alıment tólemegen er adamnyń 2,5 mln teńge bereshegi bolǵan, dep habarlaıdy QazAqparat tilshisi Ádilet mınıstrliginiń baspasóz qyzmetine silteme jasap.
Qaryz ıesiniń atynda múlik, onymen birge zeınetaqy jınaǵy da, bank shotynda aqshasy da bolmaǵan.
Sot oryndaýshy A.T.Yqsaǵatova birneshe ret shaqyryp, jaýapsyz ákeden alıment tóleýdi talap etken.
Alaıda sot oryndaýshynyń talabyn er adam qulaǵyna da ilmepti.
«2020 jyldyń 10 qazanynda qaryz ıesine jumysqa turý boıynsha esepke tirkelýi kerektigi eskertilgen. Alaıda ol eskertýdi de er adam elemegen», - dep habarlaıdy Ádilet mınıstrliginen.
Osyǵan baılanysty Ádilet departamenti atalmysh azamatty Ákimshilik quqyq buzý týraly kodekstiń 669-baby boıynsha ákimshilik jaýapkershilikke tartý jóninde polıtsııaǵa usynym jibergen.
Usynym oryndalyp, qaryz ıesi úsh kúnge qamaýǵa alynǵan. Alaıda qamaýdan shyqsa da ákelik mindettemesin oryndaýǵa asyqpapty.
«Ádeıi jaltarý men sot aktisin oryndamaǵandyqtan jeke sot oryndaýshy Pavlodar oblysynyń Polıtsııa departamentine qaryz ıesin QR QK 139-baby boıynsha qylmystyq jaýapkershilikke tartý jóninde usynym jiberdi. Pavlodar oblysynyń jasóspirimder isteri jónindegi mamandandyrylǵan aýdanaralyq sotynyń úkimimen qaryz ıesiniń bir jylǵa bas bostandyǵy shekteldi», - dep habarlaıdy mınıstrlikten.
