Pavlodar oblysynda alaıaqtar «alshań» basýda

«Sońǵy ýaqyttarda ınternet arqyly jasalatyn alaıaqtyq áreketter sany kúrt artqan. Ońaı olja tabýdy kózdegender ózderin nesıe rásimdeý nemese arzan baǵadaǵy avtokólik bólshekteri, uıaly telefon nemese basqa da taýarlar satatyn menedjer retinde tanystyrady. Aldymen habarlamada kórsetilgen shotqa aqsha aýdarýyn talap etip, odan keıin nesıe kelisimshartyn nemese satyp alýshy tapsyrys bergen taýardy jetkizýge ýáde beredi. Aqsha shotqa aýdarylǵannan keıin, «menedjer» nemese «satýshy» baılanysqa shyqpaıdy. Nátıjesinde aldanǵan adam aqshasyz, ári taýarsyz qalady», - dep habarlaıdy Pavlodar oblysy ІІD baspasóz qyzmeti.

Ekibastuz qalasyndaǵy ІІB-yna 22 jastaǵy qala turǵynynan shaǵymy shaǵym tústi. 22 jastaǵy áıel adam joldasymen birge avtokólik satyp alý úshin nesıe almaqshy bolǵan. Bankterdiń mundaı qaryzǵa qoıatyn paıyzy óte joǵary bolǵandyqtan, erli-zaıyptylar nesıeniń basqa balama kózderin izdestirgen. Olar ınternet jelisindegi «Jeke nesıeler» degen qosymshadaǵy «Jyldyq 12 paıyzben nesıe beremiz. 1 jyldan 5 jylǵa deıingi merzimmen 200 000 teńgeden 3 000 000 -ǵa deıin nesıe beremiz» degen habardandyrýǵa nazar aýdarady. 

Atalǵan habarlandyrý astynda baılanys nómeri kórsetilgen. Habarlasqan «alaıaq» menedjerleri olardan nesıe somasy men tóleý merzimi kórsetilgen ótinishti  jiberýin suraıdy. Ekibastuzdyqtar úsh jyl merzimmen eki mıllıon teńge alatyndyqtary týraly habarlamany joldaıdy. Polıtseılerdiń málimdeýinshe, aqshany alý úshin alaıaq aı saıynǵy tólem somasy kórsetilgen keste qurastyryp, ótinish berýshige qaıta joldaıdy.

Usynylǵan sharttar kóńilderinen shyqqan erli-zaıypty olarmen baılanysty ári qaraı jalǵastyrady. Ótinishti rásimdeý úshin olardan jeke kýálikteriniń kóshirmesi men kıvı-ámııanǵa aqsha jiberilýi talap etilgen. Shotyna kelisilgen aqsha aýdarylǵannan keıin, «nesıe alýshyǵa» «Qazirgi kezde eshkimge senýge bolmaıdy» degen habarlama joldaǵan.