Pavlodar oblysynda aqsha jymqyrǵan sheneýnikter sottaldy

PAVLODAR. QazAqparat - Pavlodar oblysynda jalǵan issaparlar resimdegen sheneýnikter sottaldy. Іsti Pavlodar qalasynyń №2 soty qarady, dep habarlaıdy QazAqparat Pavlodarnews.kz-ke silteme jasap.

Oblystyq sottyń baspasóz qyzmetiniń málimetinshe, oblystyq sáýlet basqarmasy memlekettik qyzmetkerleriniń kinási kýágerlerdiń aıǵaqtarymen, tıisti qujattarmen jáne sot saraptamalarynyń qorytyndylarymen dáleldengen.
Senip tapsyrylǵan memlekettik múlikti birneshe ret iri mólsherde ysyrap etkeni úshin QK-niń 189-baby 3-bóligi 1), 2), 3) - tarmaqtaryna sáıkes bıýdjet qarajatyn jymqyrý boıynsha basqarma basshysy, ákimshilik bóliminiń basshysy, bas maman, bólim basshysynyń mindetin atqarýshy sottaldy.
Sonymen qatar, taǵy bir pavlodarlyq Qylmystyq kodekstiń 364-baby 1-bóligi boıynsha kásipkerlik qyzmetke zańsyz qatysqany úshin sottaldy.
– 2018 jyldyń shildesinde úsh memlekettik qyzmetshi 1,6 mln teńge kóleminde keń formatty skaner satyp alýǵa bólingen memlekettik bıýdjetten aqsha jymqyrǵan, – dep habarlady oblystyq sotta. – Olar 2019 jyldyń qańtarynan 2020 jyldyń jeltoqsanyna deıingi kezeńde jalǵan issaparlar resimdep, 8,9 mln teńgeni qaltaǵa basqan.