Pavlodar oblysynda aqparat jınaqtaýǵa arnalǵan Data -ortalyq salynýy kerek - K .Másimov
Mundaı jaıynda búgin selektorlyq rejimde ótken Úkimet otyrysynda Premer-Mınıstr Kárim Másimov usyndy.
«Qazirgi kezdegi aqparattyq tehnologııalardyń damýy belgili bir baǵytta jyljyp kele jatyr. Osy oraıda aldaǵy kezeńniń kompıýterlerinde qatqyl dıskiler bolmaýy múmkin. Eger olar bolmasa, aqparat qandaı da bir jerde jınaqtalýy tıis. Bul baǵytta osy aqparattar Data -ortalyqtarda jınaqtalady. Aıtıshnıkterdiń tilinde bular «Bult» dep atalady», - dedi Úkimet basshysy.
Osy turǵyda K. Másimov Baılanys jáne aqparat mınıstri Asqar Jumaǵalıevke tıisti tapsyrma berdi. Premer-Mınıstrdiń pikirinshe, osyndaı aqparat jınaqtaý ortalyǵyn Pavlodar oblysynda salý tıimdi bolmaq. Sebebi, atalǵan óńirde elektr energııasyn óndirý oryndary jaqyn ornalasqan. «Osyǵan baılanysty máseleni tez arada qarastyryp, atalǵan básekege qabiletti ortalyqtyń qurylysyn iske asyrý qajet», - dep atap ótti Úkimet basshysy.
Sonymen qatar Premer-Mınıstr aqparatty ornalastyrý máselesin aıta kele, «Qazaqstanda jumys isteıtin kompanııalardyń aqparattary respýblıka aýmaǵyndaǵy Data-ortalyqtarynda bolýy tıis»,- dep túıindedi.
