Pavlodar oblysynda 90 jastaǵy qarııaǵa vaktsına salyndy
PAVLODAR. QazAqparat - Dárigerler toby Jelezın aýdanyna turatyn 90 jastaǵy qarııanyń úıine bardy, dep habarlaıdy QazAqparat Pavlodarnews.kz saıtyna silteme jasap.
Oblystyq densaýlyq saqtaý basqarmasynyń málimetinshe, 90 jastaǵy Leonıd Melnıkti koronavırýsqa qarsy ekpe alýǵa eshkim májbúrlemegen.
- Dárigerler egde adamǵa vaktsınadan keıin qandaı belgiler bolýy múmkin ekenin jáne ony qalaı baqylaıtynyn túsindirdi. Tyl eńbekkeri vaktsına salýǵa birden kelisti. Leonıd Melnık COVID-19-qa qarsy vaktsınany jaqsy qabyldady, - deıdi basqarmada.
Medıtsına qyzmetkerleriniń aıtýynsha, vaktsınadan keıingi ekinshi kúni naýqastyń dene qyzýy 37,2-ge deıin kóterilip, keıin qalypty jaǵdaıǵa kelgen.
Qazir ardagerdiń jaǵdaıy jaqsy.
Eske sala keteıik, pavlodarlyqtar vaktsına alý úshin ózderine yńǵaıly oryndy tańdaı alady: aýrýhanada nemese qoǵamdyq oryndardaǵy jyljymaly aýrýhanalarda ekpe alýlaryna bolady.
Aımaqtyq densaýlyq saqtaý basqarmasynyń málimeti boıynsha, jalpy Pavlodar oblysynda COVID-19-ǵa qarsy vaktsınanyń birinshi komponentin 49 912 adam, ekinshi komponentin 13 637 adam alǵan.
Pavlodar oblysy koronavırýstyq ınfektsııa boıynsha «qyzyl» aımaqta. Búginnen bastap oblysta karantın kúsheıtildi.
