Pavlodar oblysynda 9 HQKO-ny modernızatsııalaý aıaqtaldy - A.Jumaǵalıev
ASTANA. 5 qyrkúıek. QazAqparat - Pavlodar oblysynda 9 HQKO-yn jańartý aıaqtaldy. Bul týraly QR Kólik jáne kommýnıkatsııa mınıstri Asqar Jumaǵalıev óziniń «elektrondyq úkimettegi» blogynda málim etken.
Pavlodar oblysynyń 9 HQKO osy aptadan bastap jumystyń jańa formatyna kóshti. Halyqqa qyzmet kórsetý ortalyqtaryn jańartý protsesi ótken jyly, Elbasynyń tapsyrmasy boıynsha bastalǵan edi. Eksperıment retinde Mırzoıan kóshesindegi astanalyq HQKO-nyń jumysyn qaıta quryp, kútken nátıjege qol jetkizdik: kezek sany kúrt azaıyp qyzmet kórsetý sapasy joǵarylady.
Dál osy ortalyqta tuńǵysh ret kedergisiz qyzmet kórsetý men elektrondyq kezek engizildi, jumys atqaratyn keńistik ońtaılandyrylyp, ishki bıznes-protsesteri qaıta qurylymdaldy. Sonymen qatar, klıentter qyzmet kórsetý protsesine jumyldyrylǵan qyzmetkerlerdiń jumysyn baǵalaý múmkindigine ıe boldy. Halyqqa qyzmet kórsetý ortalyqtarynda tuńǵysh ret «elektrondyq úkimet» buryshtary men balalarǵa arnalǵan oıyn alańdary paıda boldy.
Ótken jyly bul tájirıbe Almaty, Astana jáne oblys ortalyqtarynyń 28 HQKO-nda qoldanyldy. Búgingi tańda olarǵa Pavlodar oblysynyń taǵy 9 ortalyǵy qosyldy, jaqyn arada osy óńirdiń 4 halyqqa qyzmet kórsetý ortalyǵy jańasha jumys isteı bastaıdy. Kelesi kezeńde Aqmola jáne Qaraǵandy oblystarynyń HQKO-nyń jańartý aıaqtaýdy josparlap otyrmyz.
Jyldyń aıaǵyna deıin bul protsess respýblıkamyzdyń barlyq HQKO-ryn qamtıtyn bolady, delp jazylǵan mınıstrdiń blogynda.
