Pavlodar oblysynda 800-ge jýyq turǵyny bar jylýsyz qalǵan aýylda qazandyq salynady
Atap aıtsaq, óńir ákimimen birge erekshe qamqorlyqty qajet etetin 138 bala tárbıelenip jatqan «Altynaı» arnaıy balalar úıiniń ǵımaratyn kórdi. Sońǵy ret munda kúrdeli jóndeý jumystary osydan 10 jyl buryn jasalǵan eken. Ǵımarattyń shatyry, qasbeti jáne jylý júıesi qazir apatty jaǵdaıda.
Ata-analarmen bolǵan kezdesýde partııa tóraǵasynyń birinshi orynbasary balalardy qoldaý men quqyǵyn qorǵaý «Nur Otan»-nyń negizgi jumystarynyń biri ekenine toqtalyp, osy máseleni sheshý úshin barlyq is-sharalardyń qabyldanatynyn atap ótti.
Odan ári Baýyrjan Baıbek Ekibastuzdaǵy «Nur Otan»-nyń qoǵamdyq qabyldaýynda bolyp, azamattardyń muń-muqtajyn tyńdady. Qaralǵan máselelerdiń ishinen ol qudyqtyń aýyz sýyn paıdalanyp júrgen Saryqamys aýylynyń 450 turǵynynyń ótinishin partııalyq baqylaýǵa aldy. Jergilikti bıliktiń aqparaty boıynsha, ortalyqtandyrylǵan sýmen qamtamasyz etýdi júrgizý jumystary jyl sońyna deıin aıaqtalady.
Sondaı-aq partııa Tóraǵasynyń Birinshi orynbasary áleýmettik jáne eńbek quqyǵy salasyndaǵy zańnamany jetildirý jónindegi máseleler men usynystardy talqylaý úshin Ekibastuzdaǵy GRES – 1 jumysshylary jáne óńirdegi taý-ken óndirisi kásipodaqtarynyń ókilderimen júzdesti.
Sol kúni Baýyrjan Baıbek Pavlodar qalasynyń belsendi turǵyndarymen birneshe kezdesý ótkizdi. Zııaly qaýym, úkimettik emes uıymdardyń ókilderimen birge ekologııa, eńbek mıgratsııasy,sybaılas jemqorlyq t.b. salalardaǵy óńirdiń ózekti máseleleri talqylandy. Partııa Tóraǵasynyń Birinshi orynbasary ár máselege baılanysty, onyń ishinde zańnamalyq deńgeıde de «Nur Otan»-nyń júıeli túrde aınalysatynyna erekshe toqtaldy.
Elbasynyń tapsyrmasy boıynsha, «Nur Otan» partııasynyń birneshe aıdan beri Úkimetpen jáne óńirdiń fılıaldarymen birge aldaǵy 5 jylǵa arnalǵan aýdandar, qalalar men oblystardy damytýdyń jańa baǵdarlamasyn daıyndaý jónindegi jumys jasap jatqanyn atap ótken lázim. Onda árbir jeke aýdandaǵy jergilikti erekshelikter eskerilip, azamattardyń naqty qajettiligi kórinis tabatyn bolady.
Bul jumystyń sheńberinde «Nur Otan» partııasynyń basshylyǵy barlyq eldi mekenderdi, onyń ishinde shalǵaıdaǵy aýdandar men aýyldardy da qamtý úshin elimizdiń barlyq óńirlerin aralap shyǵýdy josparlap otyr.
Pavlodar oblysyna sapar barysy kezinde Baýyrjan Baıbek 16 kóppáterli úıdiń 800-ge jýyq turǵyny ortalyqtandyrylǵan jylýsyz qalǵan Novochernoıarka aýylynyń turǵyndarymen kezdesti. Óńir basshylyǵynyń aıtýynsha, bıyl aýylda bes áleýmettik nysandy da, jaqyn jerdegi mektep, balalar baqshasy men dárigerlik emhanany da jylýmen qamtamasyz etetin qazandyq salynady.
Sondaı-aq, oblys ortalyǵynda «Ekinshi Pavlodar» yqshamaýdanynyń turǵyndarymen de kezdesý uıymdastyryldy. Ol jerde jeke úılerdi erigen jáne jer asty sýy deńgeıiniń kóterilýinen sý basý problemasy sheshilmeı keledi. Kezdesýde sonymen birge tarıftiń aıqyndyǵyna, jergilikti monopolıst «Pavlodar - Sýqubyry» JShS sýdy esepteý qubyry baǵasyna baılanysty da shaǵymdar aıtyldy. Baýyrjan Baıbek taıaý ýaqyttary partııa alańynda barlyq múddeli organdardy qatystyrý arqyly ashyq tyńdaý ótkizýge baılanysty tapsyrma berdi.
